Loading... 15 December 2017|   शुक्रबार, मंसिर २९, २०७४

मोदीजी पागल भएका छन्ः केजरीवाल

काठमाडौं ।   |

आम आदमी पार्टीका नेताविरुद्ध सीबीआईले छानविन सुरु गरे लगत्तै अरविन्द केजरीवालले प्रधानमन्त्री नरेन्द्र मोदीमाथि धावा बोलेका छन् । दिल्लीका मुख्यमन्त्री केजरीवालले मोदीलाई घुस्याहाको आरोप त लगाएका छन् नै, उनी पागल भएको दाबी समेत गरेका छन् । सीबीआईले आपका नेता एवं दिल्लीका उपमुख्यमन्त्री मनिष सिसोदियामाथि प्रारम्भीक छानविन थालेको छ । उनीमाथि मुख्यमन्त्री केजरीवालको सोशल क्याम्पेनिङ ‘टक टु एके’मा नियम उल्लंघन र अनियमितताको आरोप छ ।

Kejariwal-and-Modi

आमआदमी पार्टी सरकारका अर्का मन्त्री सत्येन्द्र जैनकी छोरी सौम्या जैनलाई दिल्ली सरकारको मोहल्ला क्लिनिक प्रोजेक्टको सल्लाहकार नियुक्त गरेकोमा पनि सीबीआईले छानविन थालेको छ ।

आफ्ना नेताहरुमाथि छानविन थालेपछि आक्रोसित बनेका केजरीवालले मोदीविरुद्ध लगातार ट्वीट गरेका छन् । उनले लेखेका छन्, ‘वाह रे मोदीजी । घुस खाने आफू, मुद्दा हामीमाथि । चोरी अनि, सिनाजोरी ।’ उनले गोवा र पञ्जाबमा हार्ने भएपछि सीबीआईको गेम सुरु गरेको आरोप पनि मोदीमाथि लगाएका छन् ।  उनले अर्को ट्वीटमा लेखेका छन्, ‘यस्तो लाग्छ कि मोदीजी बिल्कुल पागल भएका छन् । देशको प्रधानमन्त्री एक मात्र काम गरिरहेका छन् । हात धोएर पछि लागेका छन् ।’

प्रकाशित मितिः बिहिबार, माघ ६, २०७३     11:39:05 AM
error: Content is protected !!