☰ open Loading... 18 May 2024|  

सुदूरपश्चिममा ८ प्रतिशतले धान उत्पादनमा वृद्धि
  | ८ मंसिर २०७३, बुधबार १७:१४

आर्थिक वर्ष २०७२÷७३ मा सुदूरपश्चिमा आठ प्रतिशतले धान उत्पादनमा वृद्धि भएको छ । सुदूरपश्चिम क्षेत्रीय कृषि विकास निर्देशनालय दिपायलका अनुसार समयमा धान रोपाइँ र वर्षा भएका कारण धान उत्पादनमा वृद्धि भएको हो ।

यस वर्ष सुदूरमा ६ लाख ८८ हजार ४७६ मेट्रिक टन धान उत्पादन भएको क्षेत्रीय कृषि निर्देशनालयका प्राविधिक सहायक शुशीलकुमार शर्माले जानकारी दिए ।

सुदूरपश्चिममा एक लाख ७७ हजार ५६० हेक्टर क्षेत्रफलमा धान उत्पादन हुँदै आएको छ । सुदूरका सात पहाडी जिल्लाका तुलनामा तराईका कैलाली र कञ्चनपुरमा धान उत्पादन बढी हुने गर्छ ।

कैलालीमा सबैभन्दा बढी ७१ हजार २९० हेक्टर तथा कञ्चनपुरमा ४६ हजार हेक्टरमा धान उत्पादन हुने गरेको निर्देशनालयले जनाएको छ ।