☰ open Loading... 19 July 2019|   शुक्रबार, साउन ३, २०७६

प्रदेश समृद्धिमा पर्यटन विकासका लागि सरकार गम्भीर छ : मन्त्री बुढा

  |

सुर्खेत । कर्णाली प्रदेशको पर्यटकिय क्षेत्रको विकासमा सरकार कटिवद्ध रहेको उद्योग, पर्यटन, वन तथा वातावरण मन्त्री नन्दसिंह बुढाले बताएका छन् । समृद्ध कर्णाली निर्माणमा यहाँका पर्यटकिय क्षेत्रहरुको पहिचान गरेर विकासमा आफूहरु कटिवद्ध रहेको मन्त्री बुढाले बताएका हुन् ।


नेपाल पर्यटन वोर्डले आर्थिक २०७५।७६ को बार्षिक बजेट तथा कार्यक्रम तर्जुमाका लागि वीरेन्द्रनगरमा आयोजना गरेको छलफल कार्यक्रमलाई सम्बोधन गर्दै मन्त्री बुढाले प्रदेश भित्रका पर्यटन क्षेत्रको सम्भाव्यता अध्ययन गरेर गुरुयोजना निर्माण गर्ने रणनीतिमा मन्त्रालय जुटेको जानकारी दिए ।

मन्त्रालयको आधा बजेट पर्यटन क्षेत्रको विकासका लागि छुट्याईएकाले बजेटको उचित प्रयोग गर्नेमा प्रतिवद्धता बढाले जनाए । ‘नीजि क्षेत्रसँग सहकार्य गरेर कर्णाली प्रदेशलाई पर्यटन गन्तब्यका रुपमा विकास गर्न सरकार लागि परेको छ’ बुढाले भने, ‘पूर्वाधार विकासमा सरकार केन्द्रित रहेकाले आन्तरिकभन्दा बाह्य पर्यटक भित्राउने सरकार गम्भीर बनेको छ ।’

पर्यटन विकासको लागि चुनौती रहेपनि यसको सहज समाधान गर्दै सबै पक्षको सकरात्मक सहयोगको अपेक्षा गरेको मन्त्री बुढाको भनाई छ कर्णाली रारा पर्यटन वर्षको शुभारम्भसँगै प्रदेशका दशवटै जिल्लाका ऐतिहासिक, धार्मिक र पर्यटकिय क्षेत्रहरुको पहिचान गर्ने काममा सहयोग पुग्ने अपेक्षा उनको छ ।

नीतिअनुसार सरकार चल्ने भएकाले सहज नीति बनाउन नेपाल पर्यटन बोर्डका कार्यकारी समिति सदस्य कृष्णकुमार अर्यालले आग्रह गरे । ‘नीति सहज नभए पर्यटनको विकास गर्न सकिदैन’ अर्यालले भने, ‘कर्णाली प्रदेशले पर्यटनका क्षेत्रमा भएका नीतिगत समस्याहरुलाई हल गरेर सातवटै प्रदेशलाई मार्गनिर्देश गर्ने नीति बनाउन सरकार चुक्नु हुँदैन् ।’

पर्यटकलाई तान्ने भन्दा उनीहरुलाई आफै आउने वातावरण निर्माण गर्नु पनेमा उनको जोड थियो । टिकटमा भएको विभेदकारी मूल्य अन्त्य गरी सबैलाई समान गराउनु पर्ने सुझाव अर्यालको छ ।

नेपाल पर्यटन बोर्डका कार्यकारी निर्देशक दिपकराज जोशीले कर्णाली रारा पर्यटन वर्षको घोषणा र पूर्वाधार विकासमा देखाएको अग्रसरताले कर्णाली प्रदेशको पर्यटन विकासमा महत्वपूर्ण भूमिका निर्वाह गर्ने दावी गरे ।

कार्यक्रममा बोर्डका हिक्मतसिंह ऐरले शौचालय, हरीयो र सफा शहर, जलक्रिडा, स्थानिय खाना र स्थानिय संस्कृति, ट्राफिक सहजता लगायतका कार्यक्रमहरु बोर्डले सञ्चालन गर्न लागेको जानकारी दिए । कर्णाली प्रदेशमा टुरिष्ट इन्फरमेशन सेन्टर स्थापना लगायत कार्यक्रम सञ्चालन गरेर पर्यटकलाई आकर्षित गर्ने प्याकेज घोषणा गर्ने दावी गरे ।

प्रकाशित मितिः शनिबार, असार २३, २०७५     9:53:41 PM
error: Content is protected !!