☰ open Loading... 17 June 2019|   सोमवार, असार २, २०७६

टावरको खराबीले टेलिफोन सेवा अवरुद्ध

  |

सुर्खेत । जिल्लाको सिम्तागाउँपालिका ३ झ्याममा रहेको नमस्ते मोवाइलमा टावरमा खराबी हुँदा त्यस क्षेत्रका नागरिक टेलिफोन सेवाबाट वञ्चित भएका छन् । झ्याममा रहेको नमस्तेको टावरमा शनिबारदेखि समस्या देखिएको सुर्खेत सिम्ता गाउँपालिका ३ का अध्यक्ष नहकुल बुढाले जानकारी दिए । साउन २५ गते पनि टावरमा समस्या आएको थियोे ।

नमस्तेको टावरमा खराबी हुँदा सुर्खेत सिम्ता गाउँपालिकाको केन्द्र जामुने बजार, वडा १ को घोरेटाको फलकोट ३ को आग्रीगाउँ ४ को बजेटीचौर र सल्यान बनगाड कुपिन्डे नगरपालिका १ को नाम्रा २ को बामे घर्तिगाउँ ३ को बामेऔल वेशी लगायत स्थानीय टेलिफोन सेवाबाट वन्चित भएका छन् ।

अध्यक्ष बुढाका अनुसार वडा कार्यालयहरूमा फोन सेवा अवरुद्ध हुँदा जनताको प्रत्यक्ष बाहेक टेलिफोनबाट हुने काम प्रभावित भएको र जनताले दुख पाएको गुनासो गरे ।

आफूले नेपाल टेलिकम कार्यालय सुर्खेतलाई बुझ्दा आफूलाई कुनै जानकारी नभएको र त्यसको बारेमा नेपाल टेलिकम कार्यालय बाँके नेपालगन्जलाई जानकारी हुने बताएको वडा अध्यक्ष बुढाले जानकारी दिए ।

यता सल्यान बनगाड कुपिण्डे नगरपालिका २ सामाजिक परिचालक बीरेन्द्र पुनका अनुसार आफ्नो कार्यालय र गाउँ घरका टोलहरूमा टेलिफोनले काम नगर्दा २÷३ घन्टा हिडेर डाँडाकाँडा पुगेर टेलिफोन गर्नु पर्ने बाध्यता रहेको छ । नेपाल टेलिकमले मर्मत सम्मारका लागि प्राविधिक टोली पठाइसकेको जनाएको छ ।

प्रकाशित मितिः मङ्लबार, अशोज ९, २०७५     7:59:32 AM
error: Content is protected !!