☰ open Loading... 23 October 2019|   बुधबार, कार्तिक ६, २०७६

नेपालविरुद्व खेल्ने विश्वका स्टार ५ खेलाडी

  |

काठमाडौँ । एक दिवसीय मान्यता पाएको नेपालको धोको छ, टेस्ट र एक दिवसीय विश्वकप खेल्ने ।

हालसम्म नेपालले एक पटक मात्र विश्वकपको अनुभब लिएको छ । सन् २०१४ मा बंगलादेशमा भएको टी ट्वान्टी विश्वकपमा नेपालले उत्कृष्ट प्रदर्शन गरेको थियो ।

क्रिकेट संघ निलम्बनमा रहेको कारण नेपालले बिभिन्न समस्या झेल्दै आएको छ । आफुसंगै क्रिकेट खेल्न सुरु गरेका राष्ट्रले विश्वकपमात्र नभएर टेस्ट समेत खेलिसकेका छन् । तर नेपालले भने आफ्नो एक दिवसीय मान्यता पनि सदुपयोग गर्नै नसक्ने अवस्थामा पुगेको छ ।

उमेर समुहमा नेपालले यु–१९ विश्वकपमा सात पटक प्रतिस्पर्धा गरिसकेका छन् । सन् २००० मा नेपालले पहिलो पटक यु–१९ विश्वकप खेलेको थियो । जसमा नेपालले आठौं स्थान प्राप्त गर्दै ईतिहास रचेको थियो ।

तर, सात पटक विश्वकप खेलेपनि नेपालले आठौं स्थान भन्दा माथि उक्लिन सकेको छैन । पहिलो सहभागिता र सन् २०१६ मा नेपालले आठौं स्थान हात पारेको थियो ।

नेपालले यु–१९ विश्वकपमा सधै उत्कृष्ट प्रदर्शन गर्दै आएको छ । नेपालले विभिन्न टेष्ट राष्ट्रलाई समेत पाखा लगाएको ईतिहास छ । नेपालले विश्वकपमा जिम्बाबे, बंगलादेश, आयरल्याण्ड, न्युजिल्यान्ड र दक्षिण अफ्रिका जस्ता राष्ट्रलाई पराजित गरिसकेको छ ।

नेपालले यु–१९ विश्वकपमा पराजित गरेको राष्ट्रका खेलाडीले विश्वमा ठुलो नाम कमाएका छन् तर त्यस्ता खेलाडीलाई पराजित गरेका नेपाली खेलाडी भने संस्थागत प्रणालीको सिकार बन्दै नाजुक अवस्था ब्यहोर्नुपरेको छ ।

नेपाली खेलाडीले पराजित गरेका विश्वका उत्कृष्ट ५ खेलाडीको सुचि प्रस्तुत गर्दैछौ ।

१. टिम साउथी

न्युजिल्याण्डका मुख्य फास्ट बलर टिम साउथी विश्व क्रिकेटका उत्कृष्ट बलर मध्येका एक हुन् । यु–१९ टिमबाट राष्ट्रिय टोलीमा आउन सफल उनले विश्वकप खेलिसकेका छन् । आसन्न विश्वकपमा समेत उनले न्युजिल्याण्डको टिमबाट सहभागिता जनाउने छन् ।

सन् २००६ को यु–१९ विश्वकपमा नेपालविरुद्वको खेलमा उनले ६ बलमा ६ रन बनाएका थिए । उनी शरद भेसवाकरको बलिङमा महेश क्षेत्रीले स्टम्पिङ गर्दै पोविलियन फर्काएका थिए । नेपालबिरुद्द ४ ओभर बलिङ गरेका साउथीले २५ रन खर्चेका थिए । तर कुनै विकेट हात पार्न सकेका थिएनन् । सो खेलमा नेपालले १ विकेटको रोमान्चक जित हात पारेको थियो ।

२. स्टिभ स्मिथ

अस्ट्रेलिया तथा विश्व क्रिकेटका उत्कृष्ट ब्याट्सम्यान स्टिभ स्मिथले उत्कृष्ट प्रदर्शन गर्दै अस्ट्रेलियालाई सन् २०१५ को विश्वकपको उपाधि दिलाएका थिए । उनी आउने विश्वकपमा पनि अस्ट्रेलियाको ब्याटिङ लाइनअपमा मुख्य भुमिकामा रहनेछन् ।

सन् २००८ को यु–१९ विश्वकपमा समुह चरणको खेलमा नेपालले अस्ट्रेलियासंग प्रतिस्पर्धा गर्दा स्मिथ समेत टिममा रहेका थिए । नेपालबिरुद्द उनले २५ बलमा १७ रन बनाउँदै क्याच आउट भएका थिए । बलिङतर्फ ६ ओभर १ बल गरेका उनले १ मेडेन सहित ३ विकेट हात पारेका थिए ।

३. मोइन अली

इंग्ल्याण्डका अल राउण्डर अलीले सन् २००६ को यु–१९ विशाकपमा नेपालबिरुद्द अर्धशतकीय इनिङस खेलेका थिए । उनले ८२ बलमा ५२ रन बनाउदा शरद भेसवाकरको बलमा आउट हुन पुगेका थिए ।

४. ऋषब पन्त

भारतका युवा विकेटकिपर ब्याट्सम्यान पन्त निकै आक्रमक ब्याटिङ गर्ने गर्छन् । सन् २०१६ को विश्वकपमा नेपालले भारतको सामना गर्दा उनले यु–१९ विश्वकप इतिहासमा छिटो अर्धशतक प्रहार गरेका थिए ।

उनले २४ बलमा ७५ रन बनाउँदा प्रेम तामाङको बलमा आउट भएका थिए । सो विश्वकपपछि उनलाई चर्चित फ्रेन्चाइज लिग आईपीएलमा तत्कालिन दिल्ली डेयरडेभिल्सले महँगो मुल्यमा अनुबन्धन गरेको थियो ।

५. युवराज सिंह

भारतलाई सन् २०११ को विश्वकप दिलाउन मुख्य भुमिका खेलेका खेलाडी हुन्, युवराज सिंह । उनले विश्वकपमा एकै ओभरमा ६ वटै छक्का प्रहार गर्ने विश्व कीर्तिमान समेत बनाएका छन् ।

यस्ता प्रतिभावान् खेलाडीबिरुद्द नेपाली खेलाडीले समेत सन् २००० को यु–१९ विश्वकप खेलेका थिए । नेपालबिरुद्दको खेलमा उनले ९ ओभर बलिङ गर्दै १५ रन खर्चदै ४ विकेट हात पारेका थिए । सो खेलमा नेपाल ८ विकेटले पराजित भएको थियो ।

प्रकाशित मितिः आइतवार, जेष्ठ १२, २०७६     6:08:19 PM
error: Content is protected !!