☰ open Loading... 20 October 2019|   आइतवार, कार्तिक ३, २०७६

पाल्तु कुकुरलाई दैनिक नघुमाए ३ लाख जरिवाना

  |

घरमा कुकुर पाल्ने धेरैको शौख हुन्छ । कुकुर पाल्ने मानिसहरु बिहान साँझ कुकुरलाई लिएर डुलेको देखेकै हुन्छौं हामीले । जागिर तथा व्यवसायको व्यस्तताका कारण अहिले सहरका धेरै मानिसलाई कुकुर घुमाउने फुर्सद हुँदैन । तर अब अष्ट्रेलियामा चाहिँ घरमा पालेको कुकुरलाई दैनिक रुपमा नडुलाएमा चर्को जरिवाना तिर्नुपर्ने भएको छ ।

अस्ट्रेलियाको क्यानबेरामा घरपालुवा कुकुरको स्याहार सम्बन्धमा अनौठो कानून बनेको छ । उक्त कानून अनुसार घरमा पालेको कुकुरलाई हरेक दिन कम्तीमा एक पटक अनिवार्य रुपमा डुलाउनै पर्नेछ । यदि घरमा पालेको कुकुरलाई दैनिक रुपमा नडुलाएमा ४ हजार अस्ट्रेलियन डलर (झण्डै ३ लाख नेपाली रुपैयाँ) जरिवाना तिर्नु पर्नेछ ।

क्यानबेरा सरकारले बिहीबार जनावर कल्याण कानूनलाई संसोधन गरी लागू गरेको छ । जसमा जनावरको कल्याणका विषयमा कठोर नियमहरु राखिएको छ । यदि कुकुर मालिकले घरको कुकुरलाई उचित खानपिन तथा बस्ने व्यवस्था नगरेमा तत्कालै जरिवाना गरिनेछ ।

यो नियम कुकुरमा मात्र नभै बिरालोमा पनि लागू हुनेछ ।

एजेन्सीको सहयोगमा

प्रकाशित मितिः आइतवार, अशोज १२, २०७६     9:40:40 PM
error: Content is protected !!