☰ open Loading... 30 May 2020|   शनिबार, जेष्ठ १७, २०७७

बांगेशिमल उद्यान बनाउन डिपिआर

  |

सुर्खेत । वीरेन्द्रनगर नगरपालिका–२ बाँगेशिमलामा ‘बाँगेशिमल उद्यान’ बनाउन डिपिआर निर्माण गरिएको छ । सशस्त्र प्रहरी वेस क्याम्प जाने बाटो नजिकै रहेको खाली जग्गामा ‘बाँगेशिमल उद्यान’ निर्माण गर्ने उदेश्यले २ नम्बर वडा कार्यालयले डिपिआर तयार गरेको हो ।


३० वर्षदेखी खाली रहेको जग्गा अतिक्रम हुन थालेपछि वडा कार्यालय उद्यान बनाउने गरी घेरवार गरेको थियो । शुरुमा बाल उद्यान निर्माण गर्ने तयारी थालेको कार्यालयलाई वडाका अगुवाहरुले बांगेशिमल उद्यान बनाउन सुझाव दिएका छन् ।

शनिबार कार्यालयले आयोजना गरेको सुझाव संकलन कार्यक्रममा सहभागीहरुले बालबालिकादेखि वृद्धवृद्धालार्ई आकर्षित गर्नेगरी उद्यान बनाउन बताएका हुन् । सहभागीहरुले कर्णाली राजमार्गसंग जोडिएको र बांगेशीमल आउने पर्यटकहरुलाई गढी जाने सडकको स्तरोन्नति गर्न वीरेन्द्रनगर नगरपालिका प्रमुख देवकुमार सुवेदीलाई आग्रह गरे ।

प्रमख सुवेदीले उद्यान निर्माणमा आवश्यक बजेटको व्यवस्था गर्ने वचन दिएका छन् । उद्यानका लागि निर्माण गरिरहेको विस्तृत परियोजना प्रतिवेदन (डिपिआर) मा गार्डेन, पार्क, म्युजियम, मन्दिर लगायतका आकर्षक संरचनाहरु निर्माण गरिने २ नम्बर वडा कार्यालयका अध्यक्ष बलबहादुर रोकायले जानकारी दिए ।

खाली जग्गा अतिक्रम हुनुभन्दा आकर्षक उद्यान गर्न डिपिआर गरेको रोकायले बताए । ‘बजेटको जोहो गरेर आगामी आर्थिक वर्षदेखी निर्माणको थालनी गर्नेछौं’ रोकायले भने, ‘उद्यान बनाउन झण्डै तीन करोड बजेट आवश्यक रहेकाले डिपिआर लगत्तै त्यसको व्यवस्थापन गर्न लागेका छौं ।’

प्रकाशित मितिः शनिबार, मंसिर १४, २०७६     6:56:04 PM
error: Content is protected !!