☰ open Loading... 26 October 2020|   सोमवार, कार्तिक १०, २०७७

मुख्यमन्त्रीले आफूलाई पदमुक्त गर्ने अधिकार गुमाइसकेका छन् : शाह

  |

कर्णाली प्रदेशमा सत्तारुढ नेपाल कम्युनिस्ट पार्टी (नेकपा)को विवादले नयाँ मोड लिएको छ ।संसदीय दलको बैठक बोलाएपछि दल नेता तथा मुख्यमन्त्री महेन्द्रबहादुर शाहीले प्रमुख सचेतक गुलाबजङ्ग शाहलाई जिम्मेवारीबाट हटाएका छन् । र, सीता नेपालीलाई प्रमुख सचेतक तोकेका छन् ।शाहले भने मुख्यमन्त्रीले आफूलाई पदमुक्त गर्ने अधिकार गुमाइसकेको बताएका छन् । ‘कोमामा गएको नेतालाई जिम्मेवारीबाट हटाउने अधिकार छैन,’ शाहले अनलाइनखबरसँग भने, ‘आइतबार १८ जना सदस्यले दलका नेताविरुद्ध अविश्वासको प्रस्ताव पेश गरेका छन् । अब दलको नेताले कुनैपनि निर्णय गर्न पाउँदैन ।’शाहले मंगलबार दिउँसो १ बजे संसदीय दलको बैठक बस्नेसमेत प्रष्ट पारे । ‘मंगलबार मेरै नेतृत्वमा दलको बैठक बस्छ र निर्णय पनि हुन्छ,’ शाहले भने ।मुख्यमन्त्री शाहीले प्रमुख सचेतकको जिम्मेवारी दिएको सीता नेपालीले भने संसदीय दलको बैठक मंगलबार नबस्ने बताइन् । ‘भोलि बैठक बस्दैन, केके हुन्छ पछि थाहा हुन्छ’ उनले भनिन् । अनलाइन खबरबाट

 

 

प्रकाशित मितिः सोमवार, अशोज २६, २०७७     4:30:45 PM
error: Content is protected !!