☰ open Loading... 18 May 2021|   मङ्लबार, जेष्ठ ४, २०७८

अवैध काठसहित १२ जना पक्राउ
  |

 

सुर्खेत । सुर्खेतमा प्रहरीले बुधबार बिहान करिब १ बजेतिर अवैध काठसहित १२ जनालाई पक्राउ गरेको छ । भेरीगंगा नगरपालिका-१२, मसिनास्थित छिन्चुबाट वीरेन्द्रनगरतर्फ जाँदै गरेको लु२ख २१० नम्बर को ट्रकमा अवैधरुपमा काठ लैजाँदै गर्दा एक सय ४७ थान सालको चिरान काठसहित प्रहरीले उनीहरुलाई नियन्त्रणमा लिएको हो ।

७७.६४ क्यू फिट सालको चिरान काठ विशेष सूचनाका आधारमा इलाका प्रहरी कार्यालय छिन्चुबाट खटिएको टोलीले नियन्त्रणमा लिएको जिल्ला प्रहरी कार्यालय सुर्खेतका प्रवक्ता रामप्रसाद घर्तीले जानकारी दिए । उनका अनुसार ट्रक चालक भेरीगंगा नगरपालिका-२, सप्तरीका १८ वर्षीय विकास केसी, सोही ठाउँका १३ वर्षीय योगराज बुढा, १२ वर्षीय हिमाल खड्का, १५ वर्षीय मदन भण्डारी, १४ वर्षीय प्रदीप वली र १३ वर्षीय निराजन विकलाई पक्राउ गरिएको छ । साथै २० वर्षीय पदम खत्री, १५ वर्षीय अम्मर डिसी, २२ वर्षीय अनन्त बुढा, २५ वर्षीय तुलबहादुर वली, ३५ वर्षीय सोमबहादुर विक र २० वर्षीय राम वलीलाई पनि पक्राउ गरिएको उनले जनाए । आवश्यक कारबाहीका लागि छिन्चु वन कार्यालयमा बुझाइएको जिल्ला प्रहरी कार्यालयले जनाएको छ ।



प्रकाशित मितिः बिहिबार, माघ १५, २०७७     7:41:19 PM