| २४ असार २०७८, बिहीबार २०:२४
कालीकोटमा जिप दुर्घटना हुँदा एकजनाको मृत्यु भएका छ भने चारजना घाइते भएका छन्। आरोलोमा जिप अनियन्त्रित भइ दुर्घटना हुँदा रास्कोट नगरपालिका–३ की ३६ वर्षीया पम्फा फडेराको मृत्यु भएको हो।
कालापानीस्थित रास्कोटबाट लालीघाटतर्फ आउँदै क१ज २३ नम्बरको जिप ओरालोमा अनियन्त्रित भइ सडकको भित्तातर्फ नालाको पल्टिन गएको थियो। २७ वर्षीय चक्रनाथ योगी, ४७ वर्षीय कविराज न्यौपाने, ४० वर्षीय ध्वजबहादुर शाही र ३५ वर्षीया मैना शाही घाइते भएका छन्। उनीहरुको हात, खुट्टा, कम्मरलगायतमा चोटपटक लागेको छ।