☰ open Loading... 6 December 2021|   सोमवार, मंसिर २०, २०७८

Advertisement
स्वास्थ्य सेवा केन्द्र कर्मचारीले २ बजे नै बन्द गरेपछि सेवाग्राही मर्कामा
  |

देलेख- नारायण नगरपालिका वडा नंं। १ को कुइकानामा सञ्चालित आधारभूत स्वास्थ्य सेवा केन्द्र कर्मचारीले २ बजे नै बन्द गर्ने गरेको कारण सेवाग्राहीलाई मर्का परेको गुनासो गरेका छन् ।
अनौपचारिक क्षेत्र सेवा केन्द्र इन्सेकको इएलपी कार्यक्रमले आज स्वास्थ्य संस्थामै सेवाग्राही र सेवाप्रदायक बीचको अन्तरक्रिया कार्यक्रममा स्थानीय मीना नेपालीले दिउँसो २ बजे नै स्वास्थ्यकर्मी फर्किने गरेको समस्या दर्शाउनुभयो ।
कुइकाना आधारभूत स्वास्थ्य सेवा केन्द्र स्थापना भएको एक वर्ष अवधिमा आधुनिक भवन तर औषधि अभावले सेवाग्राही जिल्ला अस्पताल वा प्राइवेट मेडिकलमा जानुपरेको स्थानीय तुलसी कार्कीले बताउनुभयो ।
आधारभूत स्वास्थ्य सेवा केन्द्रप्रति विश्वास जगाउन नगरपालिकाले प्रयाप्त औषधि व्यवस्था र सुरक्षित सुत्केरी सेवा सञ्चालनमा तत्परता लिनपर्ने सुझाव दिनुभयो ।
कार्यक्रममा उठेको जिज्ञासाहरुको जवाफ दिंदै आधारभूत स्वास्थ्य सेवा केन्द्रका अनमी पुष्पा थापाले सीमित साधन श्रोतमा सेवा प्रभावकारी बनाउने प्रयत्न गरिरहेको र प्राप्त सुझावका आधारमा सेवालाई प्रभावकारी बनाउदै लिने प्रतिवद्धता जनाउनुभयो ।
नारायण नगरपालिका–१ का वडासदस्य सन्तकुमारी रामजाली, नारायण नगरपालिका स्तरीय मानव अधिकार समूहका अध्यक्ष रेखा थापा, इन्सेक जिल्ला प्रतिनिधि अमर सुनार, इएलपी परियोजनाका जिल्ला सहजकर्ता सीता बुढाले स्वास्थ्य सेवा प्रभावकारिता र मानव अधिकारको सवालमा बोल्नुभएको थियो ।




प्रकाशित मितिः मङ्लबार, अशोज १२, २०७८     5:54:31 PM