सुर्खेत- एन्फाद्वारा आयोजित सुर्खेत जिल्ला स्तरीय फुटबल लिग प्रतियोगितामा र्खोके क्लव विजयी भएको छ । कर्णाली प्रदेशको राजधानी सुर्खेतको वीरेन्द्रनगरमा आयोजित अखिल नेपाल फुटबल संघको जिल्ला स्तरीय प्रतियोगितामा भैरवी युवा क्लवलाई ४–१ गोल अन्तरले पराजित गर्दै साथी र्खोके क्लव वीजयी भएको हो ।
मंगलगढि भित्रको मैदानमा भएको खेलको पहिलो हाफमा साथी र्खोकेका दिवस वि।सीले २ र अशोक गाहामगरले २ गोल गरि ४ गोलको अग्रता लिए संगै साथी र्खोके क्लव वीजयी भएको हो । प्रतियोगितामा भैरवी क्लवका गणेश थापाले १ गोल गरेका थिए ।
जिल्ला स्तरीय फुटबल लिगमा १८ क्लव दर्ता भएकोमा सोमबार सम्म ६ क्लवले फुटबल खेलिसकेका छन, भने १२ क्लवले भने खेल खेल्न बाकी छ । यस खेलबाट छटौँ स्थान सम्म आउनेले सिधै लिग चरण खेल्न पाउने भएका छन । सातौ र आठौँ स्थानमा आउने क्लवले प्रदेश स्तरीय लिग खेल्ने र यसबाट छनौट भएकाले सि डिभिजन लिग खेल्न पाउने प्रशिक्षक रमेश तुलाधरले जनाकारी दिए ।
आयोजित पुटबल प्रतियोगिता पुष २४ गतेबाट सुरु हुनुका साथै माघ १० गते सम्म सञ्चालन हुने तुलाधरले जनाकारी दिए ।
प्रतियोगितामा कर्णाली प्रदेश खेलकुद परिषद्का उपाअध्यक्ष प्रमोद हमाल, मेजर गणेश अधिकारी,सैनिक स्कुलका प्रधानाध्यापक मोतीराम सिजापती, सुर्खेत जिल्लाका प्रशिक्षक भुवन थापा, जिल्ला खेलकुदका अध्यक्ष चन्द्र कुमार गिरीलगायतको उपस्थिति रहेको थियो।
