☰ open Loading... 16 June 2024|  

ज्येष्ठ नागरिकलाई कम्बल वितरण
  | १३ माघ २०७९, शुक्रबार ०५:४९

जुम्ला । जिल्ला प्रशासन कार्यालयले जुम्लामा हिमपात पूर्वतयारी थालनी गर्नुका साथै प्रभावित ज्येष्ठ नागरिकलाई न्यानो वितरण अभियान शुरु भएको छ ।

चिसो बढ्दै गएपछि जेष्ठ नागरिकलाई राहत स्वरुप न्यानो कपडा वितरण गरिनेछ। जसअनुसार पहिलो दिन ६ जना जेष्ठ नागरिकलाई कम्बल वितरण गरिएको प्रमुख जिल्ला अधिकारी मुकेश कुमार केसरीले बताए । चन्दननाथ नगरपालिका ५ का पुर्णबहादुर खत्री, खड्ध्वज खाण, चन्ननाथ १ का भक्त बहादुर थ्याईत, तातोपानी गाउँपालिका २ हंस डागी चन्दननाथ १० का लक्ष्मीप्रसाद देवकोटा र गुठिचौर गाउँपालिका ५ का मिम भण्डारीलाई वितरण गरिएको हो ।

उनका अनुसार १ नगरपालिका र ७ गाउँपालिकाका जम्मा ३ सय बढी जेष्ठनागरिकलाई न्यानो कम्बल र ज्याकेट वितरण गरिनेछ । जेष्ठ नागरिक संघ जुम्लाको सिफारिसमा छनौट भएका विपन्न, घरबाट अलगिएका जेष्ठ नागरिकलाई प्राथमिकताका आधारमा ज्याकेट र कम्बल वितरण गरिने नागरिक समाज जुम्लाका अध्यक्ष राजबहादुर महतले बताए ।