काठमाडौं । दाल र तरकारीमा लसुनको पेस्ट मिसाउँदा स्वाद चार गुणा बढ्छ । यसको हल्का स्वाद कुनै पनि खाना स्वादिष्ट बनाउन पर्याप्त हुने गर्दछ। तर के तपाईलाई थाहा छ लसुनले तपाईको खानाको स्वाद मात्र बढाउँदैन तपाईको स्वास्थ्यको पनि ख्याल राख्छ ।
यसको दुईवटा पोटीले हाम्रो शरीरलाई धेरै रोगको आक्रमणबाट बचाउन सक्छ। यदि तपाईंले खाली पेटमा यसको दुईवटा पोटी सेवन गर्नुभयो भने, यो हाम्रो शरीरको लागि कुनै अमृतभन्दा कम हुँदैन। लसुनलाई आयुर्वेदमा गुणको खानी भनिएको छ । यसको सेवनले मानिस जवान रहन्छ भनिएको छ । यसका साथै यसले धेरै रोगबाट पनि बचाउँछ ।
खाली पेटमा लसुनको खानुका फाइदाहरु:
दाँतको दुखाईबाट छुटकारा पाउनुहोस्– यदि तपाईलाई हरेक दिन दाँतमा दुखाइ हुन्छ भने लसुनको प्रयोग गर्नुहोस्। लसुनमा एन्टिब्याक्टेरियल र दुखाइ कम गर्ने गुण पाइन्छ, जसले दाँतको दुखाईबाट राहत दिन्छ। यसका लागि त्यसलाई पिसेर दाँत दुखेको ठाउँमा लगाउने ।
भोक बढाउनुहोस्– यदि तपाईलाई कम भोक लाग्छ भने लसुनको सेवन गर्नु तपाईको लागि फाइदाजनक हुन सक्छ। यसले तपाईको पाचन प्रणालीलाई निको पार्छ, जसले तपाईको भोकलाई पनि बढाउँछ। कहिलेकाहीँ पेटमा एसिड बन्न थाल्छ तर यसको सेवनले पेटमा एसिड बन्नबाट रोक्छ । जसले गर्दा तनावबाट पनि राहत मिल्छ ।
मुटुलाई स्वस्थ राख्छ– धमनीहरूले कहिलेकाहीं लचिलोपनलाई गुमाउँछन्, तब लसुनले तिनीहरूलाई लचिलो बनाउन धेरै मद्दत गर्दछ। तिनीहरूले हृदयलाई फ्री अक्सिजन रेडिकलहरूबाट बचाउन पनि मद्दत गर्छन्। सल्फर कम्पाउन्डले रगत कोशिकाहरूलाई जम्मा हुनबाट रोक्छ। मुटुलाई स्वस्थ्य राख्नका लागि दिनहुँ दुई केस्रा काँचो लसुन पिसेर सेवन गर्नुहोस् ।
पेटसम्बन्धी समस्या हटाउँछः पेटसम्बन्धी समस्यामा लसुन निकै फाइदाजनक हुन्छ । साथै यसको सेवनले पेटमा रहेको विषाक्त पदार्थलाई सफा गर्छ ।
उच्च रक्तचापबाट छुटकारा – लसुन खानाले उच्च रक्तचापबाट छुटकारा दिलाउँछ । चिकित्सकहरूले उच्च रक्तचापबाट पीडित व्यक्तिहरूलाई हरेक दिन लसुन खान सल्लाह दिने गरेका हुन्छन् ।
एलर्जीबाट बचाउँछ– लसुनमा रहेको एन्टिभाइरल र एन्टि इन्फ्लेमेटरी गुणले शरीरमा विभिन्न प्रकारका एलर्जीसँग लड्न मद्दत गर्छ । एलर्जीको कारण श्वास नली सुन्निने समस्यामा समेत लसुन उपयोगी मानिन्छ ।
