☰ open Loading... 12 June 2024|  

सुनको मूल्य हालसम्मकै उच्च
पश्चिम नेपाल   | २२ जेष्ठ २०८१, मंगलवार १६:५६

स्थानीय बजारमा मंगलबार सुनको मूल्यले नयाँ रेकर्ड कायम गरेको छ। सोमबार प्रतितोला छापावाला सुनको मूल्य १ लाख ४१ हजार रहेकोमा आज प्रतितोला सुनको मूल्य १ हजार ७ सयले बढेर १ लाख ४२ हजार ७ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। जुन हालसम्मकै उच्च मूल्य हो।

त्यसो त यसअघि जेठ १८ गते शुक्रबार सुनको मूल्य १ लाख ४२ हजार २ सय कायम भएको थियो। आज उक्त रेकर्ड तोड्दै सुनको मूल्यले नयाँ रेकर्ड बनाएको हो।

त्यस्तै,तेजावी सुनको मूल्य १ लाख ४२ हजार रहेको छ। महासंघका अनुसार आज चाँदीको मूल्य तोलामा २५ रुपैयाँले वृद्धि भएको छ।

सोमबार १ हजार ८ सय ३५ प्रतितोला कायम भइ कारोबार भएको सुनको मूल्य आज १ हजार ८ सय ६० मा कारोबार भइरहेको छ।