रौतहटमा माछा मार्न गएका दुई बालबालिकाको डुबेर मृत्यु भएको छ। गाउँ नजिकै बाढीको पानीले बनाएको खाल्डोमा जमेको पानीमा डुबेर दुइ शिशुको मृत्यु भएको हो।

रौतहटको देवाही गोनाही नगरपालिका २ करुनिया लक्ष्मिनियाटोल स्थित लाल बकैया नदिको छेउमा डुब्दा शेख मनाउल्लाको ६ वर्षीया छोरी सबाना खातुन र उनकै तीन वर्षिय छोरा अब्दुल रहमानको मृत्यु भएको प्रहरीले जनाएको छ। उनीहरु बौधिमाइ नगरपालिका ५ कोपवा टोलबाट मामाघर आएका थिए।

दुबै बालबालिका देवाही गोनाही नपा २ लक्ष्मिनिया करुनिया मामा घर आएका थिए। उनीहरु आइतबार अबेर साझ माछा मार्न गएका थिए। गत मङ्सिर १४ गते गरुडा नगरपालिका २ गेडही गुठिका दुई किशोरहरुको पनि लमहा नदिमा डुबेर मृत्यु भएको थियो