चिसोसँगै बहने सिरेटाले पनि यस क्षेत्रका कमजोर घर संरचना भएका परिवार अधिक प्रभावित भएको पाइएको छ । अत्यधिक चिसोका कारण नागरिकहरु अत्यावश्यक कामबाहेक घरदेखि बाहिर निस्केको पाइँदैन भने कार्यालयहरुमा सेवाग्राहीको उपस्थिति पनि पातलिएको छ ।

स्थानीय अस्पतालमा कोल्ड डायरिया, रुघाखोकी, विषमज्वर र निमोनिया रोगका बिरामीको पनि चाप बढेको जनाइएको छ । स्थानीय प्रशासन कार्यालयले चिसोबाट नागरिकलाई जोगाउन आवश्यक गृहकार्य थालेको छ ।

चिसो अत्यधिक बढेपछि स्थानीयवासी आफै टोलका चोक चोकमा आफैले जोहो गरेको दाउरा बालेर दिनभरि तापेर बसेको देखिन्छ । नेपालगन्ज नगरपालिकाले आगो ताप्न दाउरा उपलब्ध नगराएपछि स्थानीयवासी आक्रोशित समेत भएका छन् । तराईका साथै पश्चिम क्षेत्रका पहाडी तथा हिमाली जिल्लामा पनि हिउँ परेकाले त्यस क्षेत्रमा समेत अत्यधिक जाडो बढेको छ ।