मध्यपश्चिमाञ्चल गजल मञ्चको अधिवेशन आवश्यक सबै तयारी पुरा भएको आयोजकको जानकारी दिएकाे छ ।मध्यपश्चिमाञ्चल गजल मञ्च सुर्खेतकोको तेस्रो केन्द्रीय अधिवेशनको सम्पर्ण तयारी पुरा भएको आयोजकले जनाएको छ ।
शनिवार सुर्खेतको विरेन्द्रनगरमा रहेको काँक्रेविहार दोहोरी साँझको सभाहलमा कार्यक्रम गर्दैछ । प्रगति प्रतिवेदन, लेखा प्रतिवेदन र आगामी कार्ययोजनाहरुको तय गर्नुका साथै नयाँ कार्य समितिको समेत चयन हुने भएकोले यो अधिवेशनलाई गजल मञ्चका सम्पूर्ण सदस्यहरु लगायत सबै साहित्यकारहरुले महत्वका साथ हेरिरहेका छन् ।
सुर्खेतमा संचालित धेरै साहित्यिक संस्थाहरु मध्य मध्यपश्चिमाञ्चल गजल मञ्च पछिल्लो समयमा निकै क्रियाशील संस्थाको रुपमा परिचित हुदै आएको छ ।
संस्थाको अधिवेशनको लागि सम्पूर्ण देश विदेशमा रहनु भएका साहित्यकारहरुले सहयोग गर्नुभएको छ । सुर्खेतमा रहेका सम्पूर्ण साहित्यकार, पत्रकार लगायत अग्रज, समकालिन र अनुजहरुसँगको सहकार्यमा संचालन हुने संस्था भएकोले पनि सबैले यसलाई विशेष महत्वका रुपमा हेर्ने गरेका छन् । संस्थाको भोलि हुने अधिवेशनले आगामि दुई वर्षका लागि नयाँ नेतृत्व चयन गर्ने छ ।
