| ३ जेष्ठ २०७४, बुधबार २०:२३
दैलेख । यहाँको चामुण्डा विन्द्रासैनी नगरपालिकामा एमालेका विजयी उम्मेदवार माथि आक्रमण भएको छ । एमालेले चामुण्डामा जित हासिल गरेपछि निकालेको विजयी जुलुश माथि अज्ञान समूहले आक्रमण गरेको एमाले नेताहरुले बताएका छन् ।
चामुण्डा बिन्द्रासैनी नगरपालिकाको मेयर पदमा विजयी भएकी तारा शाही खत्री र्याली सहित अगाडी बढ्दा अज्ञात समूहले ढुंगामुढा गरेको खवर आएको दैलेख प्रहरीले जनाएको छ । अज्ञात समूहले आक्रमण गर्दा २५ जना घाइते भएका छन् भने दुइको अवस्था गम्भीर छ । गम्भीर घाइतेमा योगेन्द्र शाही र मदन शाही छन् ।
अहिले यहाँको अवस्था तनावग्रस्त भएपछि थप सुरक्षाकर्मी दुल्लुबाट पठाइएको दैलेख प्रहरीले जानकारी दिएको छ । कस्ले र किन आक्रमण गरेको हो भन्ने विवरण नआएको प्रहरीले बतायो ।
