दैलेख । लस्करै प्रत्येक टेवुलमा नेपाली झण्डा । नयाँ कार्पेट, कुर्ची टेवुल, पर्दा ईत्यादी । मुल गेटमा कलश । कमर्चारीहरु चिटिक्क तयारी अवस्थामा । यो हो नारायण नगरपालिकामा विजयी भएर आएका नयाँ जनप्रतिनिधिहरुको ब्यवस्थापन तथा स्वागतको एक दृश्य । नियमित काम गरेका कर्मचारीहरु २० वर्षपछि नयाँ जनप्रतिनिधिहरुलाई स्वागत तथा कार्यकक्ष ब्यवस्थापनमा निकै खटेका हुन् ।
नारायण नगरपालिकाका कार्यालय सहयोगी डिल्लीप्रसाद न्यौपाने विहिवार विहानै देखी नारायण नगरपालिकाका कर्मचारीहरुलाई नवनिर्वाचित मेयर, उपमेयर र वडा अध्यक्षहरुको कक्ष तयार पार्न भ्याई नभ्याई थियो । कार्यालय सहयोगीहरुको हात एकछिन पनि खाली भएन् । उनीहरु पसलबाट कुर्ची बोक्नेदेखी कोठा सफा पार्दे चिटिक्क पार्नमै ब्यस्त छन् । सपथग्रहण लगत्तै बुधवार दिउँसो निर्वाचित जनप्रतिनिधिहरु नगरपालिका आएका थिए ।
बुधवारदेखी नै कार्यालय सहयोगी डिल्लीप्रसाद न्यौपाने मेयर उपमेयर र वडा अध्यक्षको कार्यकक्ष मिलाउन मै खटिए । उनलाई अन्य कर्मचारी समेत साथ दिएका थिए । महिला कर्मचारी माला उन्नका लागि ब्यस्त थिए ।
