सल्यानको टुनिबोटमा बस दुर्घटना भई गम्भीर घाइतेलाई हेलिकप्टरबाट काठमाडौँ लैजानेक्रममा मौसम खराबीका कारण अर्घाखाँचीमा सोमबार आकस्मिक अवतरण गरी घाइतेलाई उपचारका लागि अर्घाखाँची जिल्ला अस्पतालमा लगिएको जिल्ला प्रहरी कार्यालयका प्रहरी नायब उपरीक्षक एकनारायण कोइरालाले बताउ।

नेपाली सेनाको सबुज गण म्यालपोखरीमा हेलिकप्टर अवतरण भई घाइतेलाई सैनिक र प्रहरीको सहयोगमा सन्धिखर्क अस्पतालमा लगिएको हो । सन्धिखर्कमा उपचार हुन नसकेपछि गम्भीर घाइते तीनजनालाई गएराति नै भैरहवा रिफर गरिएको र अन्य पाँचजनाको जिल्ला अस्पताल सन्धिखर्कमा उपचार भइरहेको समाजसेवी सहयोगी बिसीले बताउ ।

आज मौसम सुधार भएमा आजनै घाइते सबैलाई हेलिकप्टरबाट काठमाडौँ लगिने प्रहरीले बताएको छ । हेलिकप्टर सेनाको ब्यारेकमा राखिएको छ ।