| ४ श्रावण २०७४, बुधबार १७:३२
सुर्खेत । काठमाडौंबाट सुर्खेत छुट्ने बसको समय तालिका परिवर्तन भएको छ । मुग्लिङ्गदेखि नारायणघाट सडक खण्ड राती बन्द हुनेभएपछि काँक्रेविहार यातायात बस व्यवसायी समितिले समय तालिका परिवर्तन गरेको हो ।
साँझ ७ बजे नै बाटो बन्द हुने भएकाले यात्रुहरुको मागलाई मध्यनजर गर्दै दिउसो १ बजे काठमाडौंबाट बस छुट्ने गरेको समितिका सचिव रेमश सापकोटाले जानकारी दिए । उनले यात्रुहरुको सहजताको लागि दैनिक १ बजे बस छुट्ने समय तालिका मिलाएको बताए । यात्रुको चाप बढेमा थप बसहरु सोही समयमा सञ्चालन गर्ने सचिव सापकोटाले उल्लेख गरे ।
