सुर्खेत । सुर्खेती कलाकार विशाल ढकालको नयाँ तीज कोशेली बजारमा आएको छ । तिजलाई लक्षित गर्दै सार्वजनिक भएको ढकालको ‘भदौरे झरी’ बोलको अडियो तथा भिडियो सार्वजनिक भएको हो ।
पश्चिम क्षेत्रको प्रचलित तीजको भाकालाई सर्जक तथा गायक विशाल ढकाल र पार्वती थापाले स्वर दिएका छन् । यो गीतको शव्द संगीत समेत ढकालकै रहेको छ । प्रदेश ६ को सम्भावित राजधानीको रुपमा परिचित सुर्खेतमा निर्माण भएको भिडियो महिला दिदिबहिनीहरुको रमाईलो सामुहिक नाचगान समावेश गरिएको छ ।
भिडियो निर्देशन ललित भट्टराईले गरेका छन् । भिडियोमा सुनिता दहित, मनिषा रावल र नारायण मगरको आकर्षक नृत्य छ । बिल फिल्म्सले तयार पारेको भिडियोलाई निरक केसीको छायाँङ्कन , बुद्धिसिंह ठकुरीको सह–निर्देशनं छ भने चानस पुन मगरले सम्पादन गरेका छन् । भिडियोलाई नेपाली दिदिबहिनीले रुचाउने र यो सालको नाचगानमा यो गितलाई बजाउनेमा विशाल ढकालले विश्वास व्यक्त गरे ।
