| ५ श्रावण २०७४, बिहीबार १५:५१
सुर्खेत । गायिका कृष्णा रानाको तीज कोशेली शिरफुल केशैमा बोलको गीत बजारमा आएको छ । सुर्खेतकै कलाकार र सुर्खेतमै छायाँकन भएको यो गीतमा स्वर सुकदेव अधिकारी र कृष्णा रानाको छ ।
द मुभि हाउस नेपालले बजारमा ल्याएको गीतको शब्द संगित रुद्र जि. एमको रहेको छ । गीतमा नृत्य निर्देशक एवम मोडल दिपेन्द्र राना र नायिका एवम मोडल भावना थापाले अभिनय गरेका छन । शिरफुल केशैमा तीजको गीतमा निर्देशन रेशम कुमार शाही र नव नृत्य निर्देशक गणेश ठाडाले गरेका छन् ।
थुप्रै भिडियोहरु निर्देशन गर्दै आएका शाहीका अनुसार प्रदेश नं ६ को राजधानीको रुपमा रहेको सुर्खेतमै उक्त भिडियो छायांकन तथा सम्पादन भएको हो हो । गीतको सम्पादन रेशम शाही र खिम बुढाले गरेका छन् । गायिका कृष्णा रानाले शिरफुल केशैमा बोलको गीतमा मौलिकता बोकेको तिज गीत भएको दावी गरेकी छन् ।
