| २४ श्रावण २०७४, मंगलवार ०९:३५
कञ्चनपुर । कञ्चनपुरको मध्य भाग भएर बग्ने सुनवोरा नदीको जोनापुर–रानीपुर जोड्ने झोलुंगे पुल निर्माणको कार्य सम्पन्न भएको छ ।
रु ६८ लाख ३२ हजारको लागतमा १०१ मिटर लामो झोलुंगे पुल निर्माणको कार्य सम्पन्न भएको हो । पुल निर्माणका लागि स्वापको रु ६२ लाख, जिविसको रु दुई लाख ९३ हजार, शुक्लाफाँटा नगरपालिकाको एक लाख ४६ हजार र अन्य श्रमदान र दातृ संस्थाको सहयोगमा झोलुंगे पुलको निर्माण गरिएको पुल निर्माण समितिका कोषाध्यक्ष वसन्ती चौधरीले बताए ।
पुल निर्माण भएपछि जोखिम मोल्दै बाढी आएको नदी तर्नु पर्ने दिनको अन्त्य भएको यहाँका बासिन्दाले बताएका छन् ।
