जुम्ला । जुम्ला सदरमुकाममा मंगलवार दिउँसो करेन्ट लागेर एक जनाको मृत्यु भएको छ । तातोपानी गाउँपालिका वडा नम्बर १ राँका निवासी २९ वर्षिय पदमबहादुर कठायतको करेन्ट लागेर मृत्यु भएको जिल्ला प्रहरी कार्यालय जुम्लाले जनाएको हो ।

चन्दननाथ नगरपालिकाको वडा नम्बर ७ बसपार्क नजिक करेन्ट लागेर घाईते भई कर्णाली स्वास्थ्य विज्ञान प्रतिष्ठानमा उपचारको क्रममा आज मृत्यु भएको हो । वसपार्कमा आफ्नै बनाई रहेको घरको मोटर खोल्ने क्रममा करेन्ट लागेको र कर्णाली स्वास्थ्य विज्ञान प्रतिष्ठानमा उपचारको क्रममा ४ बजेर ४० मिनेटमा मृत्यु भएको प्रहरी सहायक निरिक्षक जीबराज योगीले जानकारी दिए ।