| १३ भाद्र २०७४, मंगलवार १८:४४
सुर्खेत : पूर्वी सुर्खेतको सिम्ता गाउँपालिकको जामुने बजार नजिकै दुर्घटना हुँदा पाँच जना घाइते भएका छन् । गुमी–पाथिहाल्ला–चौर सडक खण्डको जामुने बजारदेखी दुई किलोमिटर माथि गायाखाेलामा जीप दुर्घटनाहुँदा पाँच जना घाइते भएका हुन् ।
डाडाखालीबाट जामुनेबजार तर्फ आउँदै गरेको लु १ च ७३६५ नम्बरको जीप मंगलवार दुर्घटना भएको थियो । दुर्घटनामा कोहलपुर नगरपालिका–११ बस्ने लालसरा ओली, भेरीगंगा नगरपालिका–८ का सेती ओली, सिम्ता गाउँपालिका–८ का जैकला खड्का, जीपमा सवार बालक नविन राना र जितेन्द्र राना घाइते भएको इलाका प्रहरी कार्यालय जामुने बजारका इन्चार्ज चित्र रानाले जानकारी दिए ।
गम्भीर घाइते लालसरालाई थप उपचारको लागि कोहलपुर पठाएको इन्चार्ज रानाले बताए । जामुने बजार आउँदै गरेको बोलेर जीपको ब्रेक फेल हुँदा दुर्घटना भएको रानाको भनाई छ ।
