| १५ भाद्र २०७४, बिहीबार १९:३७
सुर्खेत । जिल्ला प्रहरी कार्यालय सुर्खेतले वीरेन्द्रनगरमा लागु औषधसहित एक जनालाई पक्राउ गरेको छ । वीरेन्द्रनगर नगरपालिका १२ तिनकुनेबाट बराहताल गाउँपालिका – ३ गेलाडीका निराजन शाहीलाई प्रहरीले लागु औषध ब्राउन सुगरसहित पक्राउ गरेको हो ।
वीरेन्द्रनगर–३ तातापानीमा डेरागरी बस्ने शाहीको साथबाट ६ ट्यावलेट ब्राउन सुगर बरामद गरेको जिल्ला प्रहरी कार्यालय सुर्खेतको विशेष शाखाले जानकारी दिएको छ । शाहीलाई बिहिबार नै सुर्खेत जिल्ला अदालतमा ५ दिनको म्याद थप गरेर अनुसन्धान प्रक्रिया अघि बढाएको कार्यालयले जनायो ।
