| २२ आश्विन २०७४, आईतवार १८:१८
सुर्खेत । जिल्ला प्रहरी कार्यालय सुर्खेतले लागु औषध ब्राउन सुगरसहित चारजनालाई पक्राउ गरेको छ । विशेष सुराकीका आधारमा खटिएको प्रहरीले वीरेन्द्रनगर नगरपालिका–१ बाट उनीहरुलाई पक्राउ गरेको हो ।
पक्राउ पर्नेमा वीरेन्द्रनगर–१ का कृष्ण थापा, सोही ठाउँका उमेश नेपाली, चौकुने गाउँपालिका–८ का अमर राना र टेकेन विसीलाई पक्राउ गरिएको जिल्ला प्रहरी कार्यालय सुर्खेतका एसपी मोहन आचार्यले जानकारी दिए ।
प्रहरीले उनीहरुको साथबाट १० ग्राम ३९० मिलिग्राम ब्राउन सुगर बरामद गरेको छ । पक्राउ परेका चारै जनालाई अदालतबाट म्याद थप गरेर अनुसन्धान प्रक्रिया अगाडी बढाएको एसपी आचार्यले बताए ।
