दाङ । यहाँका एक युवाको रहस्यमय तरिकाले मृत्यु भएको छ । गएराती घोराहीको तुलसीपुर चौक नजिकै रहेको अप्सरा होटलमा बसेका लमही नगरपालिका ८ का शिशिर श्रेष्ठको रहस्यमय तरिकाले मृत्यु भएको हो ।

गयराती राम्रै अबस्थामा होटलमा बास बसेका २४ वर्षीय श्रेष्ठ विहान अचानक बेहोस अबस्थामा भेटिएका थिए । उपचारका लागि राप्ती उपक्षेत्रिय अस्पतालमा लैजादै गर्दा मृत्यु भएको राप्ती उपक्षेत्रिय अस्पतालले बताएको छ । अस्पताल पु¥याउदा डक्टरले मृत घोषणा गरेका थिए ।

श्रेष्ठले लागुऔषध सेबन गर्दै आएको खुल्न आएको छ । केहि तीन जना साथीहरु संग होटलमा पनि लागु औषध सेबन गरेको अबस्थामा बास बसेको जिल्ला प्रहरी कार्यालयले बताएको छ । घटनाको अनुसन्धानका लागि गयराती होटलमा संगै बास बसेका श्रेष्ठका दुई जना साथीहरुलाई नियन्त्रणमा लिएको जिल्ला प्रहरी कार्यालयले बताएको छ । मृतकलाई पोष्टमार्टमका लागि राप्ती उपक्षेत्रिय अस्पतालमा राखिएको छ ।