सुर्खेत । प्रदेश नम्बर ६ का ४० जना सांसदहरूले भाेली अाइतबार सपथ खादैछन् । प्रदेश प्रमुख दुर्गाकेशर खनालले शुक्रबार सपथ खाएपछि प्रदेश सांसदहरूलाई अाईतबार सपथ खुवाउने छन् ।
तर प्रदेश प्रमुख खनालले एकैपटक ४० जनालाई सपथ खुवाउन नमिल्ने प्रावधान छ । प्रदेश सांसदहरू मध्य जेष्ठ सांसदलाई शुरूमा सपथ खुवाउनु पर्छ ।
प्रदेश ६ का जेष्ठ सांसद हिमबहादुर शाही हुन् । ६८ वर्षिय शाहीलाई शुरूमा प्रदेश प्रमुख खनालले शुरूमा सपथ खुवाउने छन् । नेपाली काँग्रेस दैलखबाट समानुपातिक सांसद बनेका शाहीले सपथ खाएपछि प्रदेशका ३९ जना अन्य सांसदहरूलाई सपथ खुवाउने छन् ।
अाइतबार प्रदेश प्रमुखले १० बजे मध्यपश्चिमाञ्चल क्षेत्रीय वन निर्देशनालयमा पदभार ग्रहण गर्ने र ११ बजे प्रदेश सांसदहरूलाई सपथ खुवाउने कार्य तालिका रहेकाे क्षेत्रीय प्रशासन कार्यालयका अधिकृत केशवप्रसाद उपाध्यायले जानकारी दिए । यसका लागि शनिवार साँझै सवै तयारी पूरा भएकाे उनले बताए ।
