बैतडी । फरक फरक विवाहको जन्ती बोकेको दुई जीप एक आपसमा ठोक्किँदा ११ जना घाइते भएका छन् । सिउडेबाट जन्ती बोकेर दोगडाकेदारतिर गइरहेको ग १ ज ५१९२ नम्बरको जीप र विपरित दिशाबाट आइरहेको से १ ज २१७ नम्बरको जीप सिउडे बजार नजिकै ठोकिएको प्रहरी नायब उपरीक्षक हेरम्ब शर्माले जानकारी दिए ।

प्रहरी उपरीक्षक शर्माका अनुसार घटनाका घाइतेमध्ये पाटन नगरपालिका– ५ का १७ वर्षीय विक्रम बोहरा ,२७ वर्षीय दानसिंह विष्ट र सुर्नया– २ का २० वर्षीय महेश विष्टलाई जिल्ला अस्पताल भर्ना गरिएको छ । अरुको स्थानीय स्वास्थ्य क्लिनिकमा उपचार भइरहेको छ । दुबै जीपका चालकलाई प्रहरीले दिएको छ ।