सुर्खेत । प्रदेश नम्बर ६ को संसदमा ४० जना मर्यादापालक खटाइने भएको छ । ६ नम्बर प्रदेश प्रहरी कार्यालयले संसदमा खटिने ४० जना मर्यादापालकहरू छनाैट गरेर आवश्यक प्रशिक्षण समेत दिन शुरु गरिएकाे छ ।

२१ गते बस्न लागेको प्रदेशको पहिलो संसदमा उनीहरुलाई खटिने प्रदेश प्रहरीले जानकारी दियो । ‘संसदमा खटाउन १० महिला र ३० पुरुष छनौट गरेका छौं’ ६ नम्बर प्रदेश कार्यालय स्रोतले भन्यो,–‘उनीहरुलाई संसद सचिवालय र हामीले नै आवश्यक थप प्रशिक्षण दिने कार्यपनि शुरु गरेका छौं ।’

कार्यालयका अनुसार संसदमा खटिने मर्यादापालकहरु इनिस्पेक्टरदेखी प्रहरी जवानसम्म छन् । अावश्यक पाेशाककाे समेत टुंगाे लगाउने तयारीमा कार्यालय जुटेकाे छ ।