डोल्पा  । हावाहुरीले त्रिपुरासुन्दरी नगरपालिका(५ खदाङ्मा रहेको फोक्सुन्डो आधारभूत विद्यालयको छाना उडाउँदा पठनपाठनमा समस्या पर्ने भएको छ ।

शनिबार बेलुकी जोडले चलेको हावाहुरीले विद्यालयको ६ कोठे भवनको टिनको छाना उडाएर भत्काएपछि विद्यार्थीहरुलाई पठनपाठनमा समस्या भएको विद्यालयका प्रधानाध्यापक गोर्खबहादुर बुढाले बताए । उनका अनुसार कक्षा १ देखि कक्षा ५ सम्म रहेको विद्यालयमा ८० जाना छात्रा छात्रहरुले अध्ययन गरिरहेका छन् ।

हावाहुरीले उक्त ६ कोठे भवनको सबै छाना उडाएकाले विद्यार्थी पढाउने ठाउँ नहुँदा केही दिन विद्यालय बन्द गरिएको छ । उक्त विद्यालयमा एक जना स्थानीय स्रोतको शिक्षकसहित चारजना शिक्षकले अध्यापन गराउँदै आएका छन् ।