कैलाली। कैलाली क्षेत्र नम्बर १ बाट प्रतिनिधिसभा विजयी भएका टीकापुर घटनाका अभियुक्त रेशम चौधरीले आत्मसमर्पण गरेका छन् ।
फरार अवस्थामै राष्ट्रिय जनता पार्टीबाट सांसद बनेका चौधरीले सोमबार बिहान ११ बजे जिल्ला अदालतमा उपस्थित भएर आत्समर्पण गरेका हुन् ।
चौधरी २० हजार ९ सय ३५ मत अन्तरसहित प्रतिनिधिसभामा विजयी भएका थिए । उनले ३४ हजार ३ सय ४१ मत ल्याउँदा प्रतिद्वन्द्वी प्रतिनिधिसभा सदस्यमा विजयी भएका हुन् । वाम गठबन्धनका उम्मेदवार मदनकुमारी शाहले १३ हजार ४ सय ६ मत ल्याएकी थिइन् ।
कैलाली घटना लगत्तै फरार भएका चौधरीले प्रतिनिधिसभा सदस्यको लागि वारेसनामा मार्फत् उम्मेदवारी दिएका थिए । निर्वाचनमा विजयी भएपछि प्रमाणपत्र समेत वारेसनामा मार्फत नै माग गर्दै सर्वोच्च अदालत गुहारेका थिए । तर सर्वोच्चले अदालतको आदेश पालना नगर्नेलाई राज्यले न्याय दिन आवश्यक नरहेको जनाउँदै उनको माग विपरित फैसला गरेको थियो ।
२०७२ साल भदौ ७ गते मधेसवादी दलका कार्यकर्ताले एसएसपी लक्ष्मण न्यौपानेसहित ७ प्रहरीको बर्बतापूर्ण हत्या गरेका थिए । एसएसपी न्यौपानेलाई भालाले घोचेर मारिएको थियो । आन्दोलनकारीले एक बालकको समेत हत्या गरेका थिए ।
घटना छानवीन गर्न सरकारले बनाएको समितिले मुख्य योजनाकार चौधरीलाई भएको उल्लेख गरेपछि उनी फरार छन् ।
