सुर्खेत । सुर्खेतको गुर्भाकोट नगरपालिका-२ मालारानीमा ट्याक्टर दुर्घटना हुँदा ३ जनाको मृत्यू भएको छ, भने २ जना घाईते भएका छन् ।

भे १ त ६१६८ नम्बरको ट्याक्टर मालारानी प्रहरी चौकी नजिकै दुर्घटनामा परेको जिल्ला ट्राफीक प्रहरी कार्यालय सुर्खेतका कार्यालय प्रमुख सई कवी सेन्चुरीले जानकारी दिए ।

मृत्यू हुनेमा गुर्भाकोट ८ मेहेलकुनाका २० वर्षीय चालक फत्त बहादुर विक, २५ वर्षीय शशीराम वि.क. र ३२ वर्षीय नारायण खत्री छन् ।

गुर्भाकोट–८ कै ३१ वर्षीय टेक बहादुर धौलाकोटी र ३२ वर्षीय अम्मर वि.क. घाइते भएका छन् ।

गैरी बजारबाट सरीया बोकेर बोटेचौरतर्फ आउदै गर्दा ओरालो सडकमा विपरीत दिशाको नालामा ट्याक्टर पल्टिएको सेच्चुरीले बताए ।

घाईतेहरुको अवस्था सामान्य रहेको र मेहेलकुना अस्पतालमा उपचार भईरहेको बताइको छ ।