सुर्खेत । विशेष सुराकीको आधारमा जाजरकोट प्रहरीले ठुलो परिमाणमा हातहतियार बरामद गरेको छ । जाजरकोटको जुनिचाँदे गाउँपालिका–११ बाट प्रहरीले हातहतियार बरामद गरेको हो ।

प्रहरीले जुनिचाँदे गाउँपालिकाका चन्द्रबहादुर शाही र नेत्र शाहीलाई समेत पक्राउ गरेको छ ।

चन्द्रबहादुरको घरमा लुकाएर राखेको अवस्थामा प्रहरीले बाह्रबोर बन्दुक २ थान, त्यसमा लाग्ने प्रयोग भएका ६ थान खोका, नपड्काएको ७ थान खोका, भरुवा बन्दुक ३ थान, दुइ नाले बन्दुक १ थान, इयर फिस्टेल गन १ थान, भरुवा बन्दुकको सिसाको गोली २६ थान, जंगली जनावरको छाला ३ थान, सिंह ११ थान र नङ्ग्रा १५ थान रहेको कर्णाली प्रदेश प्रहरी कार्यालयले जनाएको छ ।

यस विषयमा थप अनुसन्धान भइरहेको पनि प्रहरीको भनाई छ ।