बुद्धिमान पुन,
सल्यान । सल्यानमा आगलागी हुदाँ १६ घरगोठ जलेर नष्ट भएका छन् । जिल्लाको छत्रेश्वरी गाउपालिका वडा नम्बर ७ श्रीचौरमा सनिबार दिउसोँ आगलागी हुदाँ ८ घर र ८ गोठ जलेर नष्ट भएका छन् । छत्रेश्वरी गाउपालिका ७ मा रहेको फेदीखोला सामुदायिक बन बाट सल्किएको आगोले बन नजिक रहेका १६ वटा घर र गोठ जलेर नष्ट भएको ईलाका प्रहरी कार्यालय लुहामले जनाएको छ ।
आगलागी बाट स्थानिय चक्र बहादुर दमाई, बेद बहादुर बोहरा, शेर बहादुर केसी, काली बहादुर केसीका घरगोठ जलेर नष्ट भएका छन् भने अन्यको बिबरण आउन बाँकी रहेसको छ ।
सनीबार दिउसाँे पौने ३ बजे देखी शुरु भएको आगलागी बेलुका मात्रै नियन्त्रणमा आएको थियो । आगलागीमा परेर केही पशुचौपाय जलेर नष्ट भएको र क्षतीको बाँकी बिबरण आईतबार मात्रै आउने प्रहरीले जनाएको छ । आगलागी कस्ले र किन लगाईएको हो भन्ने बारेमा केही खुल्न सकेको छैन् ।
घरमा आगोलाग्दा मानविय क्षति नभएपनि घरभित्र रहेको अन्नपात, लत्ताकपडा, भाँडाकुडाँ पुर्णरुपमा जलेर नष्ट भएको छत्रेश्वरी गाउँपालिकाका अध्यक्ष सन्तोष केसीले जानकारी दिए । साथै उनले गाउपालिकाको तर्फ बाट आईतबार राहत सामाग्री प्रदान गरिने उनले बताए ।
यसैबिच नेपाल रेडक्रस सोशाईटी सल्यानले घटनास्थलमा नै पुगेर आगलागी पिडितलाई राहत सामाग्री बितरण गरेको छ । आगलागी बाट पिडित ५ घरपरिवारलाई राहत सामाग्री बिरण गरेको र बाँकीलाई आईतबार बितरण गरिने रेडक्रस सल्यानले जनाएको छ ।
