| ६ चैत्र २०७४, मंगलवार ०८:५३
काठमाडौं । कर्णाली प्रदेशका सामाजिक विकासमन्त्री दल रावलले प्रदेश मन्त्रालय सञ्चालनसम्बन्धी आवश्यक ऐन र कानूनका अभावमा प्रभावकारी कार्यसम्पादन हुन नसकेको बताउनुभएको छ ।
अनेरास्ववियु हुम्ला–काठमाडौँ सम्पर्क कमिटीले सोमबार आयोजना गरेको बधाई कार्यक्रममा मन्त्री रावलले प्रदेशलाई समृद्ध बनाउने गरी सरकारले काम शुरु गरेको बताउँदै भने, “केन्द्रमा जस्तो प्रदेश मन्त्रालयका ऐन र कानून बनेका छैनन्, दैनिक कार्य सञ्चालनसँगै ऐन र कानून निर्माणलाई अगाडि बढाएका छौँ ।” सांसद छक्कबहादुर लामाले केन्द्र र प्रदेश सरकारले समन्वय गरेर काम गर्नुपर्नेमा जोड दिए ।
नेकपा एमालेका वैकल्पिक पोलिटब्यूरो सदस्य गोरखबहादुर बोगटी, कमिटीका अध्यक्ष रवीनविक्रम शाहीलगायतले संविधानको कार्यान्वयन गर्दै देशलाई समृद्धि बनाउनु अबको कार्यभार भएको बताए ।
