सुर्खेत । चोखोपनसँगै यौन शक्तिवर्द्धक औषधि खुवाएर दुई छात्रालाई बलात्कारको प्रयास गर्ने शिक्षकलाई प्रहरीले पक्राउ गरेको छ । सुर्खेतको पञ्चपुरी– १० जामुस्थित जनज्योति निमाविका शिक्षक युवराज शर्मालाई छात्राहरू सुतिरहेको ठाउँबाट रंगेहात नियन्त्रणमा लिई स्थानीयले प्रहरीको जिम्मा लगाएका हुन् ।
उनी आइतवार राति चोखोपनसँगै यौन उत्तेजना बढाउने औषधि खुवाएर ती दुई छात्रा सुतेको ठाउँमा गएका थिए । मध्यरातको १२ बजे स्थानीयले नियन्त्रणमा लिएर उनलाई प्रहरीको जिम्मा लगाएका हुन् ।
उनले साँझको समयमा चोखोपनसँगै बालिकाहरूलाई यौन शक्तिवर्द्धक औषधि खुवाएको पाइएको इलाका प्रहरी कार्यालय बाबियाचौरका प्रहरी निरीक्षक सुशोभन श्रेष्ठले जानकारी दिए ।
बालिकाका काकाले किटानी जाहेरी दिएपछि प्रहरीले अनुसन्धान अघि बढाएको छ । आरोपीलाई थप अनुसन्धानका लागि बुधबार जिल्ला प्रहरी कार्यालय सुर्खेत चलान गरिएको छ ।
स्राेत ः लाेकान्तर
