सुर्खेत । सुर्खेतमा जारी प्रदेश आइडल अन्तर्गत शनिवार भएको अनप्लग राउन्डबाट निर्णायक मण्डल र लाइभ भोटिङ्गको आधारमा ७ जना  छनौट भएका छन् ।

छनोट हुनेमा महेन्द्र बिक, बिराज थापा मगर, हिक्मत शाही, सावित्री अधिकारी, सागर हमाल, पेमा सन्दुक लामा, खाँडजी परियार छन् । पहिलो राउण्डका १० जना मध्ये निर्णायक मण्डल र लाइभ भोटिङ्ग गरी ७ प्रतिस्पर्धी छानिएको सिङ्गारो म्युजिक प्रा.लि.का प्रवन्धक निर्देशक विशाल ढकालले जानकारी दिए । उनले अनप्लग राउन्डबाट छ्नोट भएका ट्प ७ प्रतिस्पर्धीहरु आगामी चैत्र १७ गते हुने सेमिफाइनलमा सहभागी हुने बताए ।

चैत्र ३० गते हुने फाईनल प्रतियोगीतामा प्रथम हुनेले नगद तीन लाख, दोस्रोले दुई लाख, तेस्रोले एक लाख र सान्त्वना हुनेले पचास हजार पुरस्कार पाउने अध्यक्ष रमेश सापकोटाले जानकारी दिए ।