सुर्खेत । सुर्खेत र दैलखेको विद्युत सेवा शनिबार साँझदेखी अवरुद्ध भएको छ । सुर्खेत–कोहलपुर प्रशासण लाइनको हर्रे–छिन्चु खण्डमा पोलमा आगलागीहुँदा विद्युत सेवा अवरुद्ध भएको नेपाल विद्युत प्राधिकरण वितरण केन्द्र सुर्खेतका प्रमुख सुरेश भण्डारीले जानकारी दिए ।
उनका अनुसार विद्युतका कर्मचारी खटाउँदा समेत विग्रिएको ठाउँ पत्ता लागेको छैन् । विद्युत तार सट भएर हो वा ट्रान्सफर्मरमा आगलागी भएको भन्ने केही खुल्ल नसकेको भण्डारीको भनाई छ ।
‘स्थानीयले भेरीगंगाको दामारे नजिकै पड्कीएको आजाव आएको खवर गरेका छन्’ भण्डारीले भने, ‘तत्काल प्राविधिक कर्मचारीहरु त्यस स्थानमा खटाउँदा समेत विग्रिएको ठाउँ पहिचान हुन सकेको छैन् ।’
राती ९ बजेसम्म चेक गर्दा पनि पत्ता नलागेको भण्डारीले बताए । रातीमा काम गर्न नसकिने भएपछि अवरूद्ध विद्युत सेवा सुचारू गर्न आइतबार विहान ६ बजेबाट कर्मचारी खटिने उनले जानकारी दिए ।
