सुर्खेत । सुर्खेती सर्जक तथा कलाकार विशाल ढकालले उत्कृष्ट लयतर्फ अवार्ड पाएका छन् । काठमाडौंमा सम्पन्न पाँचौ छायाँछवि तीज अवार्ड २०७५ मा ढकालले सो अवार्ड पाएका हुन् ।
ढकालले केही दिन अघि मात्रै डोली चढियो बोलको तीज गीत सार्वजनिक गरेका थिए । ढकालले उत्कृष्ट लयतर्फ अवार्ड पाउँदा कलाकारीतामा थप केही गर्ने हसौला प्रदान भएको संक्षित प्रतिक्रिया दिए ।
ढकालले गतवर्ष भदौरे झरी बोलको तीज गीत ल्याएका थिए । तीजको अवसरमा प्रकाशित गरिने तीज गीतको संख्या करिव ७०० भन्दा पनि माथि छ ।
तर यी गीत संगीतका श्रष्टा तथा सर्जक प्रोत्साहनबाट वञ्चित छन् । यस अवस्थालाई मध्यनजर गर्दै सांस्कृतिक पर्व तीजका अवसरमा ती गीत संगीतलाई प्रोत्साहन मिलोस् र तीजका गीतले र त्यसका श्रष्टा÷सर्जकले उत्साहित हुने मौका पाउन भन्ने धेयका साथ छायाँछवीले अवार्डको लागि पाँच विधामा मनाेनय केही दिन अघि मात्रै सार्वजनिक गरेकाे थियाे ।
