☰ open Loading... 24 April 2019|   बुधबार, बैशाख ११, २०७६

मुख्यमन्त्रीकाे गाडीमा माफिया सरकार लेखेपछि…

  |

सुर्खेत । सरकार अधिनायकवादतर्फ उन्मुख भएको भन्दै सडक आन्दोलनमा उत्रिएको नेपाल विद्यार्थी संघका विद्यार्थीहरुले कर्णाली प्रदेशका मुख्यमन्त्री महेन्द्रबहादुर शाहीले चढ्ने सरकारी गाडीमा माफिया सरकार मुर्दाबाद लेखेर विरोध जनाएका छन् ।वीरेन्द्रनगरमा नेविसंघ सुर्खेतका विद्यार्थीहरुले मुख्यमन्त्री शाहीको पार्किङ्गमा राखेको गाडीमा सरकारको बिरोधका रुपमा माफिया सरकार मुर्दाबाद लेखेका हुन् ।

मध्यपश्मिाञ्चल विश्वविद्यालयको कलेज उद्घाटन कार्यक्रममा सहभागी हुन गएका मुख्यमन्त्री शाहीको पार्किङ्गमा राखिएको गाडीमा सुरक्षाकर्मीहरुको आँखा छलि बिद्यार्थीहरुले माफिया सरकार मुर्दाबाद लेखेर भागेका थिए ।

नेपाल बिद्यार्थी संघको केन्द्रिय समितिले तय गरेका बिरोधका कार्यक्रम अनुसार सरकारी गाडीलाई बन्देज गर्ने कार्यतालिका अनुसार कर्णाली प्रदेशका मुख्यमन्त्री शाहीको गाडीमा माफिया सरकार मुर्दाबाद लेखीएको हो भने बिरोधकै क्रममा भोली प्रधानमन्त्रीको पुत्ला दहन गर्ने कार्यक्रम रहेको नेविसंघ सुर्खेतले जनाएको छ ।

नेविसंघ सुर्खेतले चिकित्सा शिक्षा विधेयकको विरोधमा डा. गोविन्द केसी २२ दिनदेखि अनशनमा रहँदा पनि सरकार मौन भएको, प्रधानमन्त्रीले विपक्षी दलका नेता नदिई संवैधानिक परिषद् बैठक गरेको, नेपाल वायुसेवा निगमले किनेका बाइडवडी प्रकरणमा भ्रष्टाचार छानबिन अघि नबढेकाले आफूहरूको आन्दोलन जारी रहने जनाएको छ ।

प्रकाशित मितिः बिहिबार, माघ १७, २०७५     4:32:34 PM
error: Content is protected !!