| २१ श्रावण २०७६, मंगलवार १५:३०
सुर्खेत । जिल्ला प्रहरी कार्यालय सुर्खेतले विप्लवका एक जना कार्यकर्तालाई पक्राउ गरेको छ । बराहताल–९ स्थायी ठेगाना भएका विप्लवका जिल्ला कमिटी सदस्य हिरालाल सुनारलाई प्रहरीले पक्राउ गरेको हो ।
ससुराली गएका सुनारलाई बराहताल–१० ओदालतालबाट प्रहरी निरीक्षक विवेक कुमार शाहको टोलीले पक्राउ गरेको पुष्टि जिल्ला प्रहरी कार्यालय सुर्खेतका डिएसपी प्रदिप क्षेत्रीले गरे ।
उनकानुसार सुनारको साथबाट विप्लव माओवादीका दस्तावेजहरु समेत बरामद गरिएको छ । यसबारे थप अनुसन्धान अघि बढाइएको प्रहरीले जनाएको छ ।
