| २९ आश्विन २०७६, बुधबार १२:५५
सुर्खेत । जिल्ला प्रहरी कार्यालय सुर्खेतले ६ जना जुवाडेलाई पक्राउ गरेको छ । वीरेन्द्रनगर –८ भानुचौकस्थित झलक जंग शाहीको घरमा जुवा खेलिरहेको अवस्थामा प्रहरीले ६ जनालाई पक्राउ गरेको हो ।
पक्राउ पर्नेमा वीरेन्द्रनगर ७ बस्ने घरधनी झलक जंग शाही, हरि थापा, मनोज शाही, मीनराज शाही, धन ब.गुरुङ र सुरज सिजाली रहेको जिल्ला प्रहरी कार्यालय सुर्खेतका प्रवक्ता एवम् डिएसपी रवि रावलले जानकारी दिनुभयो । उहाँअनुसार जुवाडेबाट नगद ५२ हजार २८० रुपैयाँ बरामद गरिएको छ । । यसबारेमा थप अनुसन्धान भइरहेको रावलको भनाई छ ।
