सुशील खड्का
सुर्खेत । वीरेन्द्रनगरको खजुरामा ट्याक्टरले मोटरसाईकललाई ठक्कर दिँदा दुइ जनाकाे मृत्यु भएकाे छ भने एक जना गम्भीर घाइते भएका छन् ।
मृत्यु हुनेमा वीरेन्द्रनगर-१० बस्ने ३३ यामबहादुर विक र वर्ष ३२ खगेन्द्र विक रहेकाे प्रदेश ट्राफिक प्रहरी कार्यालय सुर्खेतले जानकारी दिएकाे छ ।
गम्भीर घाइते वीरेन्द्रनगर-८ का तुलबहादुर रामजालीकाे कर्णाली प्रदेश अस्पताल कालागाउँ उपचार भइरहेकाे छ । घाइते तीनै जनालाइ उपचारकाे लागि अस्पताल लगिएपनि यामबहादुर र खगेन्द्रकाे उपचारकाे क्रममा मृत्यु भएकाे प्रहरीकाे भनाइ छ ।
मंगलगढी चोकबाट पीपीरातर्फ जाँदै गरेको भे १ त ८१७६ नम्बरको ट्याक्टरले भे ३ प ७४२ नम्बरको मोटरसाईकलाई वीरेन्द्रनगर–१० खजुरामा ठक्कर दिएको जिल्ला ट्राफिक प्रहरी कार्यालय सुर्खेतका प्रमुख उदयसिंह सिजापतिले जानकारी दिए ।
ठक्कर दिने ट्याक्टर चालक भेरीगंगा नगरपालिका-५ का गाेपी बुढालाइ प्रहरीले नियन्त्रणमा लिएकाे छ । प्रहरी स्राेतकाअनुसार दुर्घटनाकाे कारण नखुलेकाले अनुसन्धान अघि बढाइएकाे प्रहरीकाे भनाइ छ ।
