सुशील खड्का
सुर्खेत । बसले अटाे रिक्सालाई ठक्कर दिँदा चार जना घाइते भएका छन् । घाइते मध्य एककाे अवस्था गम्भीर छ ।
वीरेन्द्रनगर नगरपालिका ४ हटलाईन सडककाे कर्णाली प्रदेश अस्पताल गेट नजिकै भे १ ह ३७२० नम्बरकाे अटाे रिक्सालार्इ र ना ३ ख ६८२३ नम्बरकाे बसले ठक्कर दिएकाे हाे । अटाेमा सवार बर्दिया बाँसगढी नगरपालिका-५ बस्ने २१ बर्षीय नन्दा गिरी, सात वर्षीय रचना गिरी, चार वर्षीया कल्पना गिरी र अटाे चालक दैलेख महावु गाउँपालिका-४ स्थायी ठेगाना भएका चक्रबहादुर शाही घाइते भएका छन् ।
नन्दाकाे अवस्था भने गम्भीर रहेकाे जिल्ला ट्राफिक प्रहरी कार्यालय सुर्खेतका प्रमुख उदयसिंह सिजापतिले जानकारी दिए । नन्दालाइ थप उपचारकाे लागि नेपालगञ्ज रिफर गरिएकाे छ । अन्य घाइतेहरूकाे कर्णाली प्रदेश अस्पताल कालागाउँमा उपचार भईरहेकाे छ । बस चालकलाई भने प्रहरीले नियन्त्रणमा लिएको छ ।
