| ६ आश्विन २०७७, मंगलवार १४:१८
सल्यान -सल्यानमा खाना खाएर सुतेका एकजना वृद्धको मृत्यु भएको छ । बागचौर नगरपालिका–७, सानागाडाकोटका ६८ वर्षीय विक्रम डाँगीको मृयु भएको हो ।
गाईको घ्यू खोज्न जाँदा रातपरेपछि उनी सोही नगरपालिका वडा नम्बर ४ खाराका टीकाराम ओलीको घरमा बास बसेका थिए । टीकाराम मृतक विक्रमका मावली नाता पर्ने व्यक्ति हुन् । साँझ खाएर सुतेका विक्रम बिहान हेर्दा मृत अवस्थामा फेला परेको जिल्ला प्रहरी कार्यालय सल्यानले जनाएको छ । प्रहरीका अनुसार विक्रम दमको समेत बिरामी थिए ।
