दैलेख – देलेखको नौमूले गाउँपालिका–३ द्वारीका १७ वर्षीय एक बालक र नौमूले गाउँपालिका–५की १६ वर्षीया एक बालिकालाई बालविवाहको गरेको आरोपमा प्रहरीले पक्राउ गरेको छ ।
भदौ १० गते बालविवाह गरी बसेको भन्ने सूचनाको आधारमा उनीहरुलाई शुक्रवार नौमूले गाउँपालिका–३ द्वारीबाट पक्राउ गरेको जिल्ला प्रहरी कार्यालय दैलेखका इञ्चार्ज प्रहरी नायव उपरीक्षक अनुुपम श्रेष्ठले बताए ।
त्यसैगरी डुंगेश्वर गाउँपालिका–४ अवलपराजुलका २७ वर्षीय पूर्णबहादुर बुढाले सोही गाउँपालिका–३ चौखडाकी १५ वर्षीया बालिकालाई बालविवाह गरेको आरोपमा दुबै जनालाई पक्राउ गरेको प्रहरीले जनाएको छ ।
भदौ ३० गते बालविवाह गरेको भन्ने पीडित पक्षको उजूरीको आधारमा असोज ६ गते पक्राउ गरेको प्रहरी नायव उपरीक्षक श्रेष्ठले जानकारी दिए । बालबिवाह गर्ने दुबै जोडीलाई बाल विवाह कसूरमा मुद्दा दर्ता गरी घटनाको अनुसन्धान थालिएको जिल्ला प्रहरी कार्यालय दैलेखले जानकारी दिएको हाे।
